- ރަށް ތަރައްގީކޮށް ކުރިއަރުވަން ކުރާ މަސައްކަތުގައި ރައްޔިތުންގެ ބައިވެރިވުން މުހިންމު
- ރައްޔިތުންނާއި ކައުންސިލާއި ގިނަގިނައިން ބައްދަލު ކުރެވޭނެ ނިޒާމެއް ހަމަޖެހިފައި އޮތުން
- މޭޔަރާއި ކައުންސިލަރުންނަކީ ރައްޔިތުންކައިރިއަށްގޮސް ރައްޔިތުންގެ ޚިޔާލު ހޯދާ މަޝްވަރާކުރާ ބަޔަކަށް ވުން
- ރައްޔިތުންގެ ޚިޔާލާއި މަޝްވާރާ ހޯދުމުގައި އޮންލައިން ވަސީލަތްތައް ފުރިހަމަގޮތުގައި ބޭނުން ކުރުން. އޭރުން ރަށުން ބޭރުގައި އުޅޭފަރާތްތަކަށްވެސް ފަސޭހަވެގެންދާނެ
- ފުވައްމުލަކަކީ އެކި ރޮނގުރޮނގުން ގިނަ ތަޖްރިބާކާރުން އެރަށަކަށް ނިސްބަތްވާ ރަށެއް. ރަށުގެ ތަރައްގީއާއި ކުރިއެރުމުގެ ޕްލޭންތައް ހަދާ މަޝްވާރާ ކުރެވޭއިރު އެމީހުންގެ ބައިވެރިވުން ހޯދޭނެ ނިޒާމެއް ހަމަޖެހިފައި އޮތުން
- ކައުންސިލްގެ ނިންމުންތައް ފެންނަގޮތަށް ބެހެއްޓުން
- ކައުންސިލްގެ އާމްދަނީއާއި ޚަރަދުގެ ތަފްސީލް އާންމުކޮށް ފެންނަގޮަތަށް ހުރުން
- ހިސާބު ބެލެހެއްޓުމުގައި ދުނިޔެ ގަބޫލުކުރާ މިންގަޑުތަކުގައި ހިފެހެއްޓުން
- ކައުންސިލުން ނެރޭ ބީލަމާއި މަސައްކަތުގެ ފުރުސަތުތައް އާންމު ކޮށް ފެންނަގޮތަށް އެއްތަނެއްގައި ޝާއިއު ކުރުން
- މޭޔަރާއި ކައުންސިލަރުންގެ މާލީ ބަޔާން އާންމުކުރުމަށް ބާރު އެޅުން
- މީޑިއާ ބައްދަލުވުންތައް ގަވާއިދުން ބޭއްވުން
- މޭޔަރު، ކައުންސިލަރުން އަދި ކައުންސިލްގެ މުވައްޒަފުންނަކީ ޒިންމާދާރު ބަޔަކަށް ވުން މުހިންމު
- ރައްޔިތުންނަށް ޚިދުމަތް ކުރުމަކީ އެންމެ އިސްވާޖިބު ކަމުގައި ދަނެގެން މަސައްކަތް ކުރުން
- ރައްޔިތުންގެ ފަރާތުން ލިބޭ ޝަކުވާތަކާއި މައްސަލަތައް ހައްލުކުރުމަށް އިސްކަންދިނުން
- ކައުންސިލުން ރައްޔިތުންނަށް ދޭ ޚިދުމަތްތައް ރަނގަޅުކޮށް ފުރިހަމަޔަށް ދިނުމަށް ކައުންސިލްގެ އާމްދަނީވެސް އިތުރުވާން ޖެހޭ. ކައުންސިލަށް އާމްދަނީ އިތުރުކުރެވޭނެ ގޮތްތައް ހޯދާ ބަލަންޖެހޭ
- ރައްޔިތުންނަށް ޚިދުމަތް ދިނުމުގައި އެމީހުނާއި ރައްޓެހިކަމާއި އެކު ޚިދުމަތް ދިނުން
- ޕްރައިވެޓް ސެކްޓަރގައި ކަސްޓަމަރުންނަށް ޚިދުމަތް ދިނުމުގައި ގެންގުޅޭ ވިސްނުމާއިމިންގަޑުތައް ކައުންސިލްގައިވެސެ ބޭނުންކުރުމަކީ ރަނގަޅުކަމެއް
- ޚިދުމަތް ހޯދާ މީހުން ހިތްހަމަޖެހެނީ ކިހާވަރަކަށްތޯ ބަލަން ސާވޭތައް ކުރުން
- ރައްޔިތުންނަށް ޚިދުމަތް ދިނުމުގައާއި ކައުންސިލް ހިންގުމުގައި ޒަމާނީ ޓެކްނޮލޮޖީ ބޭނުންކުރުމަށް ޚާއްސަ އިސްކަމެއް ދިނުން
- ރައްޔިތުންގެ އެޕް/ޕޯޓަލްއެއް ގާއިމުކޮށް އޮންލައިންކޮށް ޚިދުމަތް ހޯދައި ލިބިގަތުން
- މޮބައިލް އެޕް/ޕޯޓަލް މެދުވެރިކޮށް މައްސަލަ، ޝަކުވާ އަދި ޚިޔާލު ހުށަހެޅޭނެ ގޮތް އޮތުން
- ރައްޔިތުންގެ ބައްދަލުވުންތައް ޒަމާނީ ވަސީލަތްތައް ބޭނުންކޮށްގެން ލައިވްކުރުން
