ސުވާލް: އިޖުތިމާއީ ފޭރާން ރަންގަޅަކެރަންނަ ވެއްނޭ ކޮންކަމެކެ؟
——————————————-
ޖަވާބޮ: އިޖްތިމާއީ ފޭރާން ރަންގަޅަ ކެރުމަކީ ވަރަހަ މުހިންމުކަމެއް. އިގްތިސާދީ ތަރައްގީލިބުނަސް، އިޖްތިމާއީ މައްސަލަތެއް ގިނަފަހެނާ ހަގީގީ ތަރައްގީއެއް ނިލިބެންނެން.
އިޖްތިމާއީ މައްސަލަތެއް ހައްލުކެރަންނަ ކެރެވިއެންނެން އެންމެ މުހިންމު އެއްކަމަކީ ހޭލުންތެރިކަން އިތިރިކެރުން. އެގޮތެން އިސްކޫލެ ކޫދުން، ބެލެނިވޭރުން އަދި ޒުވާނުންނާސް މި ހަރަކާއްތެއް ހިނގުއަންނަ ޖެހޭ. މިކަމި ރަށި އިކި އިކި މުއައްސަސާތެއްކާ ޖަމްއިއްޔާތެކެއި ބައިވެރިވުން މުހިންމު. ކައުންސިލެން އިސްނަގާން މިކަން ވެންނެން.
ދީނީ ހޭލުންތެރިކަން އިތިރި ކެރުމަކީއަސް އިޖްތިމާއީ މައްސަލަތެއް ހައްލުކެރަންނަ ކެރެވީއެންނެން މުހިންމު ކަމެއް
މަސްތުވޭ އެއްތެތި ބޭނުންކެރާ ފަރާތްތެކަހަ އެކަށީގެންވޭ ފަރޮވާ ނިލިބޭ. ފުރިހަމަ ފަރޮވާ ހުއާދެންނަ މަސައްކައްކޯ އަދި އެކަމެން ސަލާމައްވެންނަ ބޭނުންވޭ ފަރާއްތެކަހަ އެހީތެރިވެދެރެ، މުޖުތަމައެން އެމީހުން ބަލާގަންނާ ސަގާފަތައް އޮންނަހަޖެހޭ. އެކަމެން ސަލާމައްވެންނޭ އެންމެންގެ އެހީއާއެކީ.
އާމްދަނީ ހުއުމުގެ އަދި ވަޒީފާގެ ފުރުސަތު ތަނަވަސް ވުމަކީއަސް އެކަމިގެ ސަބަބެން އިޖްތިމާއީ މައްސަލަތެކަހަ ކޮންމިއަސް ވަރިގެ ހައްލައް ލިބީގެން އެންނެންކަމެއް. ކެރަންނެން ކަމައްނޭތީ ވަޒީފާއް ނޭތީ ތިބެންނަ ޖެހުމަކީ ނިބައި މަގަކަހަ އެނބެރީއެންނެން ސަބަބޮތެކެއް.
ރަށިގެ އަމަންއަމާންކަން ބެލެހެއްޓުން ހަރޮދަނާކެރުމަކީއަސް އިޖްތިމާއީ ހާލަތު ރަންގަޅަކެރަންނަ އޮއް މަގެއް. ކަންމާބެހޭ މުއައްސަސާތެއްްކާ ގުޅީން ސިޓީކައުންސިލަހަސް މިކަމި މުހިންމު ރޯލެއް ކެޅެވީއެންނެން. ނެއިބަހުޑްއަދި ކޮމިއުނިޓީ ޕޮލިސިންއަކީ ކެރަންނަ ރަންގަޅަ ކަންތެތި.
އާއިލީ އަދި އިޖްތިމާއީ ގުޅުން ބަދަހިވޭ ކަހަލަ ޕްރޮގްރާމްތެއްކާ އިވެންޓުތެއް ކުރިހާ ގިނެގެއުމަކީއަސް މިކަމަހަ ކެރެވީއެންނެން ކަމެއް.